【叱咤2018】陈柏宇自觉不值攞奖：其他歌手付出嘅努力一定比我多

陈柏宇（Jason）今晚（1日）于“2018年度叱咤乐坛流行榜颁奖典礼”凭歌曲《认真如初》夺“专业推介、叱咤十大”第九位，上台发表得奖感言时分享了自己最近对快乐和意义的得著，甚至占用了半首歌的时间继续讲下去，他笑言：“讲嘢对我嚟讲实在太紧要喇，我有好多心声唔识得点样去包装，所以我讲嘢系有啲长气嘅，同埋唔识点样去收科！”

Jason坦言自己生囡后“升咗呢”，人亦变得更感性：“人追求嘅唔一定系快乐，反而系意义，快乐同意义唔系同一样嘢嚟嘅，你只需要做一啲喜欢嘅事就系快乐，但系意义就系要负上一啲责任，令到身边嘅人都觉得开心一啲。”

《认真如初》一曲今年亦入选“叱咤乐坛我最喜爱的歌曲”最后五强，Jason坦言对手太强劲宣布投降：“我觉得自每次攞奖都系好似唔系好值咁，因为相比起同一个行业入面其他嘅歌手付出嘅努力我相信一定比我多，我好多时候花嘅时间去思考努力嘅系喺做人嘅其他方面，所以我嘅回馈只有同大家分享我嘅心态，歌曲就留畀其他专业人士啦，我都系掹车边先至能够有好嘅歌曲带到畀大家。”