【锋味】谢贤自爆当年喺医院嫌囝囝丑样 谢霆锋反寸：似你啰！
撰文： 洪晓璇
出版：更新：
谢霆锋自细已经喺镁光灯下长大，遗传自爸爸谢贤嘅CHOK爆外表，新一集《锋味》霆锋揾嚟四哥同汪明荃担任嘉宾，一齐煮饭仔俾“顺德自梳女”食，期间两父子不时互寸，非常搞笑。
煮𩠌期间，四哥同阿姐讲番当年佢哋拍紧《千王之王》时霆锋出世嘅情况，四哥话当时接到电话后，即刻除咗戏服扑去医院，𠮶吓心情又好奇又激动，第一眼见到霆锋后，四哥竟然冲口而出：“咁丑嘅。”喺隔离听紧“故仔”嘅霆锋即刻话：“似你啰。”不过第一次做爸爸，四哥都感性咁话：“但𠮶日我一抱住僗，眼泪都出来了。”
之后霆锋又笑四哥戴超懒型，话佢其实乜都睇唔到，四哥就即时将副超除底，而霆锋就攞住佢副超放喺镜头前，叫大家睇四哥视角，仲话：“今日呢副唔算黑，咁黑到底睇唔睇到？”四哥即刻接口话：“我系唔想睇到你……”两父子嘅互寸互动，网民劲赞好有爱。