【救妻同学会．专访】为入屋拍TVB剧？ 李任燊：我觉得系好事！
是做记者入行久了吗？
近年每逢无线一有新剧，总会有些同事说：“又系呢几个演员呀？”
的而且确，近年无线正面临离巢潮，佘诗曼、胡定欣、钟嘉欣、林峰、吴卓羲、黄宗泽等等历代一线花旦和小生纷纷拍戏或往内地发展，导致近年出现人才荒，留守TVB的演员需要参与多部剧集演出，感觉像不断重复重复又重复，结果张卫健回娘家参演《大帅哥》、马德钟出演《跳跃生命线》、谢安琪参演《僵》等消息就成为观众的“大新闻”。而最近热播中的周日剧《救妻同学会》中出现多张新面孔，除了见惯见熟的胡鸿钧、刘佩玥之外，相信不少家庭观众对其他演员都非常陌生。
首次拍剧冲击大 应付大量群戏：我会记埋其他人讲咩
看过《救妻同学会》的观众，由胡鸿钧饰演的主角李恩朗在青年宿舍中被称“思朗”，某程度上是由罗诺信不断重复将名字读错而做成的，而饰演罗诺信的演员，名为李任燊（Kyle），一位来自电影圈，首次为无线拍摄剧集的演员。
对于第一次拍剧无线剧集，Kyle感受良多，尤其在剧本对白方面，跟拍电影实在相差太远：“呢套剧有好大量嘅群戏，台词亦都好多，群戏嘅时候我好在意，会记好多嘢，演员人数都多啲，十个人一齐讲嘢，我会记埋其他人讲咩。”
记得周润发、四大天王、周星驰、梁朝伟、刘青云等均是先拍电视剧再闯电影圈，而Kyle则反其道而行，莫非是为了“入屋”？他说：“其实每个人都会同我讲，一见到我拍TVB就话好，因为入屋，咁我都觉得系好事嚟，冇咩唔好。”
为《救妻》劣评如潮解画：一套剧好少咁多个时空
自从《救妻同学会》启播之后，网民的批评声音非常之大，但作为主演之一的Kyle未有因此而感到失落，反而大赞神奇：“记得我哋一班演员同监制一齐去睇第一集出街，我系好惊讶原来真系咁多人睇。当然，每个人都有自己意见，钟唔钟意乜都好，但佢哋嘅反应真系快到系即时，我系觉得好神奇。始终同之前我拍电影好唔同，拍完到上画都已经隔咗一段时间，仲要睇到返到屋企啲人先开始留言。”不过面对劣评，Kyle亦尝试为剧集解话：“我所知嘅电视剧，相对地好少有咁多个时空，而新嘅尝试亦好有难度，新嘅亦都好有挑战性，大家畀多少少耐性，慢慢去理解。”
拍《G杀》遇上四个字
能够在无线的剧集中演出，对Kyle而言是一总演技上的磨炼：“我觉得演员系需要弹性，绝对唔能够话只系演同一个范畴。”《救妻》只是第一部，之后他又会再参演无线的另一部剧《祸后（暂名）》。而Kyle亦同时继续在电影圈打拼，在新片《G杀》（2019年香港公映）中担任主演：“喺《G杀》入面我撞到四只字，收到嘅时候觉得踌躇、紧张同埋好大压力。”
曾半年没工开 留在家中模仿刘青云演戏
虽然李任燊自觉事业称得上平步青云，但亦遇到过失意的时候，试过约半年完全没工作。180日对演员来说并不多，而Kyle亦没有将时间白白浪费：“不断睇戏，不断睇书，冇人嘅时候就匿埋喺房，想像好多画面，无啦啦自己喺间房度又笑又喊，好似黐咗线咁样，（例如？）例如刘青云喺《扫毒》入面，佢坐喺一间病房，病床，又喊又笑。我自己嘅推断就系，个剧本应该净系得一个三角形，四个大字‘又喊又笑’。我觉得呢四个字系最难演嘅！”
在《G杀》中，Kyle就遇到“又喊又笑”这四个大字，亦好庆幸自己都收货：“我拍紧𠮶时嘅记忆我都系冇咗，我净系记得我完咗系踎咗喺度。我后尾睇返见到自己做到呢件事，我系觉得好神奇。我记得我做完只手系红晒，但我唔记得自己做咗啲咩。（有目标吗？）攞影帝啰！我觉得做演员一定要有一个实在目标去行，想做一个角色系应该，系本份。竟然我作为一个香港嘅演员，我最想嘅就系影帝，好老实。当然唔可以好虚无飘渺咁去追啦，但首先要认真对待每一个角色，我先有机会掂到，攞唔攞到唔知。”
李任燊曾在2011年的校花校草选举中得到过冠军，对于自己获样子上的称赞，李任燊更希望获得观众对自己演技上的认同。
李任燊其实都真系几靓仔：