获林俊杰送上惊喜圣诞礼物 孙燕姿都唔舍得买嘅相机到底有几劲？
撰文： 洪晓璇
出版：更新：
普天同庆嘅圣诞节，大家今年收到咩圣诞礼物呢？好多时睇到心仪又唔舍得买嘅礼物，都会暗暗希望圣诞老人可以送到手中。孙燕姿话晒都系乐坛天后，但一样有睇到好钟意但嫌贵唔舍得买嘅嘢，今个圣诞终于愿望成真，好友林俊杰一掷千金买嚟送畀佢令燕姿相当兴奋。到底系咩礼物连天后都嫌贵唔捂得买呢？
孙燕姿婚后减少工作，育有5岁囝囝纳小子，今年7月底再诞下囡囡Poppy凑成好字。呢日佢喺Facebook分享收到一份梦寐以求嘅礼物，但送礼者居然唔系佢老公面系林俊杰噃﹗“有这么一个温暖的男生，知道我六个月前想要买这台相机。但因为太贵了，我犹豫再犹豫。《他说》珍贵的时刻要记录下来，就在这个圣诞把它送了给我。不是礼物的价格，而是在百忙之中，他还想到我，让这个圣诞更快乐。”
呢部连孙燕姿都觉得太贵唔舍得买嘅相机，正正系有相机界劳斯莱斯之称嘅Leica，红底白字Logo相机系摄影发烧友眼中殿堂级嘅圣物。JJ送畀燕姿嘅呢部Leica Q Silver (Typ 116)，配备全片幅高像素感光元件，以及超大光圈Leica Summilux 28 mm f/1.7 ASPH.定焦镜头，喺大部份环境都无需依靠闪光灯拍摄，要价达16万新台币，折合港币约36000！