王祖蓝陪李亚男入产房：轻松到好似整水晶甲咁

刚为人父嘅王祖蓝，今午(22日）完成首场音乐剧《唯独祢是王II》之后，不忘与传媒分享喜悦，祖蓝透露囡囡17号出生时，自己都有跟埋入产房剪脐带。“其实医生已经剪好咗，我都系剪埋少少，因为老婆当时好轻松，我好似陪埋佢整水晶拍甲一样。”至于囡囡的英文Gabrielle，祖蓝话系老婆李亚男改，并笑言名字予人高贵的感觉，自己要著西著先敢叫，至于囡囡的中文名暂时未有，但想同舞台剧或音乐剧有关，并呼吁大家多多提议。“因为老婆陀佢𠮶阵，比流行音乐佢听系无反应，反而佢一听音乐剧就系咁踢。”

祖蓝透露等老婆坐完月之后，应该会飞去日本旅作为奖励，但问到届时会否唔舍得爱女，祖蓝话都几大可能，但他亦都觉得，就算有小朋友，都依然系要维持夫妻恩爱关系、得闲就要拍拖。“其实见到个女都感动，但唔系好敢抱，因为一抱就会想喊、会伤声，不过今朝有抱咗一下，同埋应承佢做完音乐剧之后，会好好抱住佢大喊一场。”