【大帅哥】临时上阵演女体盛　冯俐颐挨足6年心淡离巢

张卫健主演的压轴剧《大帅哥》集集都有惊喜带给大家，赢尽各界赞赏。日前播出的剧情中更惊现日本高级料理“女体盛”一幕，引起不少网民热烈讨论。当中，原来的饰演“上菜员”的演员叫冯俐颐（原名：冯秀华Kathy），她更曾是游戏节目《五觉大战》的“神兽天使”之一“心思狮”。

TVB艺人众多，让观众觉得熟口熟面但叫不出名的演员比比皆是，Kathy亦一其中一员。Kathy当年受钱国伟赏识由模特儿转战公仔箱发展，一直默默耕耘，至今已经踏入第6个年头。Kathy接受《香港01》访问时透露当时自己是临时被告知要拍“女体盛”：“其实𠮶日原先唔系我做呢场戏，系临返公司前先知道，知道𠮶下都有犹豫咗一阵，但我觉得做演员咩角色都会做，只要唔会超出自己底线就可以。（底线是？）唔露三点，我唔介意少少嘅性感。”

不要以为这场戏容易拍，事实上Kathy拍得相当辛苦，她称：“超辛苦！虽然著好晒打底，不过要瞓喺张卫健面前就唔好意思。同埋，你知李嘉同张卫健都系成日讲啲无厘头嘅嘢，好难唔理佢哋同唔笑！而且最烦系啲寿司成日系个身跌落嚟，搞到我唔敢郁，全程佢地讲笑我都唔敢笑！”

入行6年，Kathy参演过的电视剧超过40部，但大多都是演护士和秘书等闲角。对此，Kathy亦坦言相当气馁：“每次见到一啲同期入去嘅同事都开始上位嘅时候，我 就会谂系咪自己好差？又会觉得自己唔够人靓或戏唔好，会成日好羡慕人。但好彩自己太钟意呢行啦，由模特转演员，越拍得多戏就越想做好， 不过机会始终唔系咁多。”Kathy亦感谢家人多年来对自己的支持，她更称：“如果冇佢哋支持，我一定转行好耐！”

Kathy今年年头与新加坡商人注册结婚，踏入人生另一阶段。她亦透露打算明年与TVB完约后不再续约，转战新加坡发展，她表示：“始终人愈黎愈大，唔可以唔为将来打算。之前有个前辈同我讲过，如果做5年都无乜起息，就应该重新打算。我今年都已经6年啦，出年7年啦！好多谢老公一直都支持我呢行，所以我喺新加坡都有拍呢边嘅电视剧，角色都同香港有好大分别。（新加坡发展会易啲？）新加坡好好多，始终个圈细啲，而且新加坡都真系好多人睇TVB，连我呢啲二打六都有人认得。（可以做女主角？）唔系女主角，但喺度第一套戏都可以同呢边嘅一哥一姐拍对手戏，戏份唔错，至少比香港对白多好多。始终，香港每年都有训练班同港姐，竞争好大呀！”

虽然多年来暂未有满意的成绩，但Kathy亦感谢TVB多年来的栽培：“喺TVB呢几年从来都唔会觉得浪费时间，系一个好好嘅木人巷。喺入边做过嘢，会变成一个好挨得嘅人！做咩都唔怕辛苦，所以tvb系俾到我一个好好嘅人生经验， 我会好多谢所有喺TVB曾经教过我嘅人，Thank you！”

Kathy又透露自己在TVB的告别作是《白色强人》，但她笑称：“不过又系护士！（会唔会好遗憾？）唔紧要啦，有人留意套剧就得啦！始终每个角色都有需要嘅，天生我才必有用！”

点撃下图睇更多靓相！