【深宫计】马国明学萧正楠宣布结婚？　心颖：千祈唔好

无线剧集《宫心计2深宫计》包揽了《万千星辉颁奖礼2018》上的“最受欢迎男/女角色”，陈炜决定掏荷包慰劳剧组。不过马国明都毫不吝啬：“原本系打算夹嘅，不过炜哥话系呢间酒楼嘅代言人，用咗个靓价去请客，所以今晚餐饭就畀佢埋单，咁我就现场拎啲现金出嚟畀大家抽，（你再搞一次？）如果大家系开心嘅，我无所谓㗎。”

抽中现金奖要罸双倍？

其实今日黄心颖亦有出席，更偕男友马明一齐受访，问到马明会否在抽奖时出术令心颖中奖？岂料心颖摇头说不：“其实你哋知唔知呢，我哋（艺人们）抽中奖嘅话呢，系要双倍攞返出嚟再抽过㗎！（点解？）通常......”马明补充谓：“通常我哋都希望幕后人抽到啦，因为始终幕后辛苦啲，（时常发生？）系呀，成日都攞返双倍出嚟！（倒不如直接放弃？）咁又唔得，”心颖又再为马明补充：“咁抽到都系开心，系幸运㗎嘛！我哋都想加码送个好运畀人！”

见萧正楠求婚惊喜过攞奖

记得在颁奖礼当晚，与曹永廉一起夺得《最佳电视拍档》的萧正楠一席“爱的宣言”公开与黄翠茹的夫妻关系成为全晚焦点之一，问马明为何今天阿萧不见踪影？马明打趣谓：“而家好忙㗎个衰仔，好多结婚嘅嘢要搞，不过𠮶晚我真系好惊喜，仲惊喜过我自己攞奖！咁当时我又唔系听得好清楚，以为佢系求婚，再三追问先知系注咗册！我就比较游魂啲！（会否仿效阿萧？）要安排吓，不过无谂过！”心颖在旁小声说：“千祈唔好。”马明继续说：“要安排到好似佢哋咁靓又好难，（求婚？）真系无谂过，我谂我哋嘅秘密武器系唔宣布！”