【兄弟．专访】监制林志华指收视跌未必系质素下降：以前系奇迹

《兄弟》今个星期就是结局篇，甚么卧底、Final Boss都已经浮面，接下来就要看主角如何收拾残局。其实这部剧集的世界观比起普通TVB剧算是相当大，由现实世界讲到网络世界，秘密组织、特工等等都有份出现，原来监制林志华就是想制造一种“烧脑”的现像，配合现时网络的趋势。

《兄弟》监制林志华已经是TVB的老臣子，由1988年入公司做PA（助理编导），再做编导，于2001年正式升为监制。近年网络愈来愈发达，对制作剧集的团队们当然也要跟著时代的步伐。林志华指公司虽然没有硬性规定，但都想剧集可以开有更多方向，他说：“呢个系大趋势，亦系时代进步，我喺创造《兄弟》时，我都有试去做，将“烧脑”呢个元素摆喺套剧内面。网络睇剧好深入，睇佢哋啲评论好似论文咁，唔同以前可能只系睇一次就无得再睇，而家年青人睇电视剧钟意烧脑，讨论吓，我哋要畀啲深度，呢个元素对佢哋更加有趣。”

虽然网络上有一班喜欢“烧脑”的观众，但TVB剧普遍给人的印象就是为家庭客，俗称“师奶剧”，两者之间好难取得平衡，林志华也坦承这个事实，不过并不代表没可能，他说：“《哈利波特》、《魔戒》有啲嘢系好深，𠮶啲咪我睇，但我囡囡又睇得好开心，呢啲咪有娱乐性。我都摆好多轻松元素落《兄弟》度，紧张刺激一样有，系有困难去平衡，但唔系做唔到。《星际启示录》一定好深，我睇完我都唔明，不过我睇完好开心，𠮶滴眼泪一样掉落嚟。”

话转回来，《兄弟》其实在演员上的运用都相当大胆，江嘉敏首次登上女一，刘颖旋首次拍剧（不计客串）做女三，连陈庭欣也鲜有地重戏份，当中都是林志华的一个理念－培育新人，他说：“呢样嘢我觉得公司都有个方向，系要培养新人，TVB有一个优胜嘅地方系有呢个远景。呢几个角色，陈庭欣我喺踩过界有同佢合作，公司同我都觉得佢有潜质，应该要一步一步畀机会佢。江同刘真系共同决定，公司都知道佢哋有发展，亦可以畀观众有新鲜感同选择。我觉得系每套戏加新人，系四赢，对公司、演员、我同观众。我哋拍嘅类型咁多，当然需要经验丰富嘅演员，但有啲都需要有新鲜感演员，尤其网络而家都兴小鲜肉新鲜人，呢个都系公司考虑”亦证明，TVB在新人的安排是有舖排的。

除了新人，林志华亦有一些御用演员，在他2010年打后，他监制的16部剧当中，有10套有王浩信的身影，他却说一切都是缘份：“呢个世界有嘢有系缘份，我无同公司讲王浩信唔开，其实好多套剧我唔系cast佢，但后尾唔知点解转来转去安排咗佢。我同佢合作咗真系好耐，大家都有印象，我绝对无权指定用佢㗎哈哈！”不过就有网民指出，剧中Fever一角如果有黄子华饰演会更加完美，狂妄得来有精细一面，但监制却指浩信另有优点：“每人有各自气质，子华哥绝对胜任呢类形角色，如果子华出嚟一定有好效果。但浩信都有独特嘅气质，多啲书卷味，多啲中产，有一种独立独行嘅感觉，同埋时代感好够。子华哥我都拍过，佢handle绝对有自己处理手法。”

作为一个TVB资深编剧，见证过90年代的TVB，当然自己亦亲眼见过80年代的辉煌，今时今日的TVB变化好大，最被人说得多的当然是收视暴跌，由以往经常看见的30点，到现在只能在26、27点徘徊。林志华有一种不同的理解，而且也相当合理：“我成日调转讲，以前系一个奇迹，边有电视台可以有50点收视 ？以前系一个独特环境，香港地方细，可以有几多电视台？慢慢就倾咗去一边，富者愈富，当个世界只系得香港就会出现呢个情况。而家生活改变咗，以前电视系唯一娱乐，慢慢选择多咗，唔系我哋质素急速下降，我相信每晚揾娱乐嘅人无减到，不过以前得一部电视机，而家屋企每一个人都有个电子产品，睇乜都得，内地得1.6点视收都拍手掌，3点视收直情开香槟。”的确，时代的转变亦令TVB无法再上那一个高峰，至于质素有否下降，交由观众定夺。