黎诺懿想添家族成员：希望个天会畀个女我啦！
撰文： 赵允琳
出版：更新：
黎诺懿与李佳芯（Ali）昨日（12日）在TVB周刊品牌大奖颁奖典礼上齐齐夺得“最强人气广告飞跃男、女明星”，诺懿接受《香港01》访问时坦言拍完《BB来了》后多了拍广告的机会：“自从我真嘅BB出世，同埋拍完《BB来了》，唔知系唔系改变咗形象变成一个爸爸，所以多咗好多家庭产品嘅广告。希望嚟紧我嘅家族成员可以再多一个，令到我嘅爸爸形象再深入民心！”
诺懿笑称岁半的囝囝峰峰比较痴自己，所以经常惹来太太的妒忌，但亦是自己最值得骄傲的地方。他说希望可以凑够一个“好”字，再生个囡囡：“因为我已经有个好得意嘅囝囝啦，希望可以有个好得意嘅囡囡，但系我哋系纯天然，冇刻意去营造要生仔定生女，不过希望个天会畀个女我啦！”
诺懿上星期到温哥华担任《温哥华华裔小姐竞选2018》的表演嘉宾时与很久没见面的钟嘉欣再次聚首一堂，“投诉”嘉欣挂住照顾BB没时间带他游览温哥华，不过诺懿有去探过嘉欣的BB：“佢囝囝好得意，好健康，我估佢好快就会带佢返嚟同大家见面㗎喇！其实我个仔都系大过佢少少咋，我个仔系哥哥，咁可以带佢喺香港周围玩，到加拿大就系佢个囝囝照顾返我囝囝啦！”