【我就是演员】惠英红任冠军之夜参谋官　一秒入戏令人惊艳

日前，惠英红空降内地节目《我就是演员》决战之夜，受邀担任决战夜参谋官。作为总决赛唯一嘅参谋官，红姐亲自指导选手，仲现场同大家分享宝贵嘅表演技巧同心得。

今次系红姐第二次现身《我就是演员》嘅舞台，第一次佢作为特邀参谋官，惊喜亮相，仲即席为观众演出一幕关于“家暴”题材嘅影视作品《儿子的歌声》，睇到后辈章子怡大叫：“在我心目中她就是一个神！”嚟到“冠军之夜”，红姐再一次大晒演技，面对需要挑战“现场转变多种人格”嘅选手宋轶时，红姐悉心指导，而且仲喺仅有嘅时间将呢个“临时功课”变成十份精彩嘅舞台作品。

喺呢份“临时功课”入面，红姐为自己设定为患有老年痴呆嘅老人，虽然着住连身裙，但完全冇局限到佢对角色嘅塑造。红姐一上台就除咗高踭鞋，弯住条腰，由眼神到情绪变化、语气到动作嘅场作一百八十度转变，每一种情绪都处理得恰到好处。短短一分钟嘅表演，睇到人窒息又感动。