黄子恒连约丰满歌手迪子3次上门 叫对方提供服务：交流都好重要
撰文： 邝钰莹
出版：更新：
黄子恒2016年被指介入歌手裕美婚姻后，目标转移向国内粉丝，对方更自称已怀有黄子恒的骨肉。而今日，又再爆出黄子恒原来曾一度𠱁拥有35E丰满身材的歌手迪子去佢屋企“提供服务”。
据网上疯传嘅 WhatsApp截图内容显示，黄子恒第一次𠱁迪子送上门时，提到“服务唔一定你对我嘅，交流都好重要”并指“你好我好，我好你好”，当迪子以“我只服务我的男朋友”回拒时，黄子恒依然唔死心，仲继续话“我不需要服务，只需要交流，抱得紧紧的。”又指自己“不需要女朋友”，对话中提到嘅“服务”系咩，怕且都唔会系清洁家居服务啦。当迪子以“你还是找人妻吧”暗寸黄子恒时，估唔到佢超无品咁用粗口去完结呢次对话。
事隔几个月，黄子恒以好闷为借口，想约迪子喺屋企饮酒，至于点解喺屋企，据黄子恒讲法，系因为“出去饮比人影到又话我沟女”，好在迪子都唔系蠢，以“出街光明正大”为由，拒绝黄子恒。既然饮酒呢条桥唔work，黄子恒再约迪子时，改用“big big chanel live唱歌”做理由，地点同样系佢屋企，原来系有少少cafe show，呢个理由真系烂到不得了，最后迪子话“你屋企个琴系尾床，好怪”时，黄子恒指“可以郁，到时会喺厅做”、“频率希望一星期一次”，迪子始终觉得孤男寡女唔方便，再次拒绝佢，而黄子恒亦冇再揾佢。
点撃下图睇下佢哋讲咩 !
【任噏乱评】黄子恒曾成功避过一刧 今次Fans事件收科得一个方法
+3