【大帅哥】张卫健改对白一句变十句　徐荣佩服：佢有江湖地位！

无线重头剧《大帅哥》12月3日正式开播，相信大家在观赏剧情同时，都留意到剧中对白十分之抵死又有张卫健的影子，例如预告片当中，5分钟内读完100多个字的对白就是其一。今晚剧集首播，一班演员齐聚一起“电视捞饭”，顺路庆祝洪永城的生日。兄弟班之一的徐荣接受《香港01》访问时就表示，自己第一次见到张卫健的时候是在几年前无线的颁奖礼上。徐荣说：“我心谂，如果可以同佢拍一套戏就好啦，几年后听到佢返嚟拍剧，跟住就知道自己有份，我𠮶时真系好开心。”

徐荣续说，他十分佩服张卫健（Dicky）：“我自己好钟意佢个拍嘢方式，佢到现场将个剧本对白反咗佢。例如一向简单对白：‘我要杀咗你！’变成‘我会将你㓥开肚，摆啲鸡肠鹅肠虾肠落去，卷起佢，吊干风干加盐，再慢火炆。’（真系有呢句？）系吖！好多呢啲㗎，大家睇啦。”徐荣更表示，张卫健会将改好的对白在聊天群组预先通知，实在是非常有心兼有才华，更谓：“我哋最多可以将一句对白变成另一个句对白，但系佢可以将，一句对白变成十句对白，呢个唔系个个做到，又改得靓嘅，呢个唔系个个做到，都要靠佢功力同江湖地位。”

谈及拍摄时的趣事，徐荣话拍摄场地张卫健（Dicky）喺拍摄现场开咗间“张记士多”，喺一个Corner位日日都有无限量零食饮品供应，搞到佢哋拍完剧之后就肥晒，不过Dicky自己就日日净系食蕉。