【Error正式出道】肥仔领军4人组合出道　破格短片网民劲BUY

选秀节目《Good Night Show全民造星》早前圆满落幕之后，ViuTV从中挑选12人组成男团MIRROR，但因为名单上没有肥仔(梁业)，令网民一度紧张肥仔去向，依家大家不用担心，原来ViuTV另有打算，由肥仔领军，组成4人组合ERROR出道，其余3位成员包括193、阿Dee和保锜，佢哋仲自封系“全新骑呢cam爆男子组合”。

肥仔（梁业）本来就系比赛热门之一，在决赛当晚表演出色，由头带到尾，可惜最终竟三格不入，不少粉丝为他大感不值。其实话晒肥仔都系第4名，又有才华又有观众缘，花姐又点会错过佢吖？如今肥仔担大旗出道，率领阿Dee（何启华）、193（郭嘉骏）和经常被取笑生得似八両金的保锜（吴保锜），以4人组合ERROR出道，相信粉丝们都好兴奋。

ViuTV日前已经推出以肥仔为首的《肥仔大冒险》，一连7条短片为组合宣传，讲述佢哋嘅出道故事，过程啜核搞笑，唔只仲拍片拍到踩入TVB──个门口，华Dee 仲够担讲咗句：“X你个X，ViuTV 个乞衣！”影射古天乐某年生日时，饮大咗，爆嘅𠮶句：“希望ViuTV个乞儿呢…..”。净系ERROR团队嘅呢份破格同挑战老细底线胆量已经令人相当期待，有粉丝留言话：“可能分分钟红过MIRROR”。昨晚（2日）开始在IG 宣传，一日唔够已经有超过五千个Followers，锋头不输MIRROR。

虽然MIRROR率先出道，不过ERROR同样受到重用，据知ViuTV节目《花姐去旅行》已决定由ERROR同行，MIRROR无缘参与。据说四位成员还设计了好多游戏和挑战畀花姐，令人期待！肥仔亦在个人IG度多谢花姐畀机会佢哋4个出道，肥仔留言话：“我哋未必系最好，但我哋好多idea 都好用心去谂，希望大家支持。”

加油呀ERROR！！点击成员IG图片：