李亚男预产期撞正王祖蓝开骚 挺巨肚撑老公彩排
撰文： 邝钰莹
出版：更新：
刚过完34岁生日嘅李亚男，除了于生日正日与老公、家人及好友为即将诞生的女儿举行Baby Shower外，早前更捧著巨肚，低调前往探班，为密锣紧鼓彩排原创圣经音乐剧《唯独祢是王II》的老公王祖蓝打气。彩排时，Leanne则化身“得力助手”，细心欣赏老公演出的同时，更不时帮老公拍摄花絮照，兼全程看管住老公的电话、银包及剧本，十分“廿四孝”。
Leanne事后笑言“是次探班”其实是“正式捧场”：“因为祖蓝12月尾正式演出嘅时候，差唔多撞正我生B，我可能去唔到捧场。但呢个几两个月，老公差不多日日都要排剧，好多时候排到差不多凌晨时间先返到屋企…见佢咁辛苦，我真系好想支持，同埋见证佢苦练嘅成果。（有冇慰劳辛苦嘅老公呀？）煲多啲润喉嘅汤畀佢咯，佢要养声，我依家同佢沟通好多时都系睇口型。”Leanne又谓现时行动尚算方便，只是不能站立太久：“因为个肚依家真系开始大喇，企得太耐条腰系会酸嘅，但我觉得ok呀，我都依然会周围去郁动吓，完全唔郁动其实仲辛苦。”