【劲歌金曲】广场大妈揭晓得奖歌曲：喜悦就是当音乐遇上舞蹈

愈做愈闷嘅《劲歌金曲》前晚举行优秀选第二回，由于今次颁奖礼以“音乐连系每个人”为主题，（myTVSUPER写的)，所以就特地邀请充满香港地道特色人士负责揭晓得奖歌曲，当中包括的士司机、建筑工人、豆腐档老板、健身教练、现场粉丝……果然真系相当“香港地道特色人士”。
 

不过话得系地道特色人，又点少得屋企楼下总有嘅广场大妈呢！节目中，以“靓妈舞蹈团”去取代“广场大妈”一词，并以“喜悦就是当音乐遇上舞蹈”去介绍呢种大妈文化，受访嘅几位大妈都十分喜爱广场舞，并指“啲姐妹都相处得好开心”、“跳咗百几首架啦”，讲完自己心情之后，当然要宣布得奖歌手啦，阿婷姐虽然有少少口音，但都听到佢读出“2018健哥金曲休兽损第异回 得奖歌手系钟舒漫”，节目仲好心有思，将钟舒漫首《开心节》配上大妈舞蹈……。不过，或者系因为得奖歌有成20首，特色人士已用尽，所以玩咗两part之后，就改由主持宣布返得奖歌曲。