【锋味】Chef LeMon孖吴彦祖用脚踩葡萄酒：看起来不太开胃

Chef Le Mon新一季《锋味》开播，首集揾嚟台湾女神林依晨做嘉宾，不过，成集最好睇嘅一定系彩蛋部分。

早前Chef Le Mon自己都有预告过揾咗吴彦祖做嘉宾，二人远赴希腊饮饮食食，彩蛋中，吴彦祖同Chef Le Mon见到当地嘅小朋友用脚踩葡萄汁酿酒时，甚感兴趣，于是提议一齐踩。其实喺未机械化压榨之前，大部分葡萄酒都系用脚踩的方式酿制而制，之不过，就画面所见，吴彦祖同Chef Le Mon只系用水简单咁洗脚，而吴彦祖仲话盘水唔知有几多人洗过……而啲葡萄亦唔系放喺大形器皿之上，而系地下，再流到外围嘅铁桶，虽然好似唔多卫生，但就保证够天然。

话晒都系自家制，Chef Le Mon当然要试试，不过当佢打开块隔渣过滤布时，都忍唔住讲咗句“看起来好黑”，而吴彦祖就直情“Oh my God”。见到杯脚工葡萄酒啡色得嚟又有少少混浊，Chef Le Mon同吴彦祖都面有难色，但一句“You drink I drink”之后，吴彦祖一口气饮晒，而Chef Le Mon就品酒一样，味道如何呢？佢哋都异口同声话好甜，仲话呢啲先够organic。

之后二人各自“邀请”经理人试味，但Mani就十分抗拒，仲话：“整个过程我都看到了，吴彦祖只轻轻地洗一下脚，霆锋洗了两次，如果这酒我喝了就死定了。”最好笑系Chef Le Mon不停咁话“新鲜嘅汁系啡色，苹果汁鲜楂都系啡色唔系金黄色。”并指呢杯系直直正正嘅LA FEET。