汪明荃手写tag后要挑战IG story　嘟姐：我谂要去一趟佢屋企

自创手写Tag嘅汪明荃(阿姐)，一开IG就火速跑赢一众KOL，成为网络界红人，之不过原来呢个手写tag并非阿姐本意，郑裕玲（嘟姐）日前喺商台节目提到原来早就已经叫阿姐玩IG，但对方经常以“玩微博都一头烟”为由推却，之不过，女人嘅嘢真系好难捉摸……眼见汪阿tag咁火爆，嘟姐日前趁台庆时就问阿姐点解要咁tag，势估唔到阿姐系咁答。“我唔系想领导潮流、搞宣传，我都唔明，我同人合照后，啲人成日叫我hashtag，咩系hashtag?”阿姐解释自己本身有个明荃之友网站，每次佢出席活动有任何合照，佢都以手写方式交代同咩人合照，再由网站负责人上载，如今佢只不过套用呢个tag喺IG。

嘟姐指阿姐每个tag都亲自处理，条红线亦都指得清清楚楚，而佢台庆完骚后，返屋企仲继续tag，玩到凌晨两点。“佢可以去做编辑，你话佢系未几可爱?佢有啲嘢好严肃，但又有啲嘢你估佢唔到。”节目主持人麻利提议嘟姐教埋阿姐玩IG story，不过嘟姐就似乎唔多想，仲话：“我𠮶日同佢食饭净系讲hashtag都出晒牙血，story我谂要去一趟佢屋企，坐底慢慢讲先搞掂。”

又系时候睇下汪阿tag