【万千星辉贺台庆】袁伟豪成双料视帝感知足：欢乐过后系寂寞

《万千星辉贺台庆》在昨晚完美落幕，对观众来说可能只是一个两、三小时的电视节目，但对TVB艺员台前幕后，却是一个马拉松式“考验”，有的艺员甚至为短短15分钟表演花1个月时间排练，能安座“观众席”的其他艺员，少说也需由早上工作至晚上11点。难怪同晚新加坡以及马来西亚视帝双料得主袁伟豪，在完骚后接受《香港01》时也说：“今晚就不能尽兴啦，头先喺个节目上面已经好开心。”

袁伟豪续说：“因为听朝一早仲要有活动做，后朝又有嘢要拍，所以呢一两对我嚟讲都系要守规举啲，唔可以食太多，又唔可以饮咁多水。（听日开几点？）听日10点要化妆啦。（都唔系好早啫）可能我今晚瞓唔著呢。（太兴奋？）唔知吖，其实欢乐嘅过后都系寂寞嘅，所以返到屋企，唔，都系瞓觉啦，做完一场骚，或者做完一日嘅工作，咁大嘅喜悦，得到奖项，最后尾都要休息嘅，所以就唯有瞓一觉好啦。（瞓唔著望天花板就望天光？）哈哈，系挂。”

成为双料视帝后，庆祝活动自然少不免，除了在台上赞袁伟豪：“你好叻吖！”的张宝儿外，袁伟豪最想一起分享喜悦的就肯定是屋企人。他说：“一定要揾埋屋企人食吓饭先啦，我屋企人好支持我，佢哋喺Whatsapp喺咁Send Message，又影低头先Live Show情况。啱啱得奖时间，佢（妈妈）帮我影住我电视，又Cap图讲好多恭喜说话。（好Warm！）系吖，我都叫佢哋早啲休息啦。（个WhatsApp Group有咩人？）有妈咪啦，阿姨，舅父，总之Family个Group仲有好多人。”

问及袁伟豪会否想再下一城将剩下的香港视帝囊括其中时，袁伟豪就说：“如果用呢个心态去谂，当然（攞埋）系Perfect嘅，但系我觉得人有时要知足嘅，我已经好满㗎啦。当然，如果真系好似你讲（成为三料视帝），咁我又接受。（心里面都系想？哈哈）我其实系平常心嘅，我真系平常心，所以今晚当我第二次再上台得奖，我都有少少不知所措，都需要保持自己情绪稳定，因为真系好多人要多谢。（视帝攞埋结婚咁就Perfect？）其实人生仲有好多事情要做嘅，虽然，我哋好多时都要追求美满完满，但系又唔一定要结咗婚先系Perfect嘅。不过，呢啲问题我迟啲会答你哋㗎啦。哈哈哈。（即系几时？）有消息𠮶时啰。”知啦，工作为重，双方都有互识吖嘛。