杨千嬅不反对儿子以K-Pop偶像为目标：小朋友需要自由发展
撰文： 赖家杰
出版：更新：
杨千嬅今天（19日）出席梁咏琪（Gigi）的童装店开幕活动，千嬅表示与Gigi相识多年当然要来支持：“我好钟意童装，你知道我呢啲做阿妈最钟意买嘢畀小朋友，都几疯癫，佢呢到嘅质料都好好，佢开张我都好开心，因为我知佢两夫妇都筹备咗好耐，作为父母佢哋对生活都好有目标，见佢哋都好sweet。”
提及做生意方面千嬅说还是交由老公丁子高负责：“我数学由小学开始已经好差，差到一个点，数字概念好差，所以做唔到生意，叫我做时装一系自己钟意一系儿子钟意，咁样好唔大众化，所以都系唔好做。”
早前千嬅在内地节目透露儿子很喜欢听K-Pop，千嬅笑言：“系佢介绍GOT7畀我听，然后佢话8月出首歌都系佢讲我知，可能学校音乐文化交流，佢嘅文化系前过我。”千嬅透露儿子一早认识了GOT7中的成员Jackson，也不反对儿子将来以韩星为目标，“佢钟意音乐，我唔会反对佢做任何事，我觉得小朋友需要自由发展，去到呢知年代已经唔系以前会好严厉，但基本学业佢要处理得到。”