【杀手】台湾拍打斗戏“惊动”霹雳小队　陈豪：每人拎住支AK枪

陈豪（Moses）今日（17日）同岑丽香齐齐出席艺术活动，身穿皮褛同牛仔裤的阿Mo型格十足，他自认同太太陈茵媺（Aimee）在艺术方面都不错，子女也遗传了父母的优良基因：“大仔而家我哋发现佢啱啱开始钟意画，亦都谂住带佢去好一啲嘅师父呀，希望而家开始培养佢一个正确嘅画画fundamentals（基础），我当然好希望佢钟意画。因为点解呢，我本身好钟意画画，我画画由细玩到大，咁我太太又系一个graphic designer，咁囝囝钟意画画我谂都系顺理成章嘅。”

日前阿Mo与黎耀祥的新剧《杀手》完成台湾戏份，由于打斗场面太真实，搞到市民误会，还call警察出动，阿Mo说：“有啲电单车呀，有啲黑社会劈友呀，又攞刀，又攞铁棍，其实我哋都已经系报晒上去畀个市政府𠮶度听㗎喇，咁有时啲途人都唔知发生咩事嘅。其实警察已经嚟咗转，第二次𠮶冲锋车嚟，咁变咗佢又唔知发生咩事，咁咪见到呢个‘霹雳小队’出动啰，每个人都拎住支AK枪。”

既然有打斗场面，碰撞在所难免，不过阿Mo指自己只是有小小淤青同扭亲，并无大碍。

早几日Aimee在IG“投诉”阿Mo，称香港同台湾“Long distance”好辛苦，催促老公快点回港，阿Mo也笑言：“系呀，冇计啦，我只可以话快啲完成𠮶边嘅拍摄，然之后返嚟，我而家终于完成啦！睇下我工作性质啰，第时啲剧如果全程都要大陆拍嘅话，我自己都冇得选择，当然最希望就系喺佢身边，有时同啲细路哥玩又唔想离开呢度呀嘛。”不止Amiee，阿Mo说三位子女也非常挂住爸爸：“一见到Daddy成日就问Daddy几时返呀，Daddy去咗边呀，你去边度咁耐架……会咁问法啰。”

下个月初就是阿Mo大仔的生日，他透露会帮囝囝搞party：“已经安排咗几个唔同嘅party畀佢，有时成日都谂冇年年大搞，都真系几麻烦，但我哋又唔会唔搞啰，反而就分开咗好几个唔同嘅细party帮佢庆祝啰。”