胡杏儿生日获老公送惊喜　入住水底别墅索价39万一晚有咩玩？

马尔代夫系唔少人梦寐以求旅行嘅地方，蓝天白云一望无际清澈大海，一直系度蜜月至爱目的地第一位﹗胡杏儿怀孕喺马尔代夫影相宣布造人成功，今年生日佢地再次返到马尔代夫，仲系Baby Lee第一次旅行，李承德就为老婆囝囝炮制一个豪华惊喜﹗

11月6号系胡杏儿39岁生日，佢地喺香港开完生日会，就举家飞到马尔代夫度假，连日嚟都分享唔少靓相，但呢日李生李太洗版式分享其中一晚入住嘅地方 --- 世界上的第一间水底别墅The Muraka。整间别墅建于水平面下5米深，双层建筑包含海上空间，以及供客人休憩安眠嘅海底套房，以螺旋楼梯连接，提供180度的印度洋全景视角海底世界，每晚索价达五万美金，折合港币近40万﹗

从杏儿IG片段睇到，睡房以玻璃建造，望住无尽海洋生物游来游去，就连座厕旁都被鱼包围住。李承德留言中更透露，原来佢地系首个入住水底别墅嘅家庭﹗﹗“Muraka - 世界上第一间水底别墅，刚刚在11月18日开业，我们很幸运成为第一个入住的家庭。Brenda唔知自己系几咁幸运，可以成为第一个入住嘅Baby，但佢亦花咗好多时间，不停盯著不同类型五颜六色嘅鱼游来游去。”杏儿亦觉得可以喺鱼包围下瞓觉冲凉，系件相当神奇又可爱嘅事，相信佢对呢次生日之旅安排一定俾足101分。