【火速救兵】重演巴士撞骑楼意外　以真实救护员角度呈现人生无常

由香港电台电视部和消防处联手制作、以消防及救护员为题材的港台剧《火速救兵IV》已踏入第三个单元　──“守破离”，讲述由林文龙、梁雍婷饰演救护员的故事。上集（10日）讲到一宗地铁站火警救援事件，为求真实，剧组特意向港铁租借黄大仙站作拍摄场地。《火速救兵IV》一向追求真实感，下集的播出的内容更加会上演一场巴士撞骑楼的重头戏！除了使用真实巴士作为道具之外，就连拍摄手法亦以最贴近“救护员日常”的方式去呈现。

相关文章：

【火速救兵】力求真实港铁站拍救人场面 导演：安排临记走位最难

用真巴士做道具

在影视行业中，“无中生有”远比“就地取材”容易，但为了提高真实感，导演范因明为完美演绎撞巴士意外的震撼场面，事前做足准备功夫，走访香港街头寻找合适地点，更找来一辆真的巴士：“第一，我系想架巴士似系撞咗落个骑楼，咁个骑楼要系啱高度先，高得滞低得滞都唔啱，第二，楼下要合理地可以有个巴士站，咁先至有咁多人企喺度，最后拣咗去火炭。我哋又喺㓥车场揾咗架巴士，然后事先㓥开佢，摆到啱啱好𠮶个位，因为我唔可以真系撞埋去，如果撞烂咗个骑楼就大镬。”

以救护员的角度出发

大部分灾难片都非常著重事件发生的前因，例如说明是人为疏忽，或者是因为无数个巧合而拼凑出意外，从而透过剧情铺排和画面让事件的发生更能令观众产生共鸣。不过今次范导刻意避开这些剧情和场景，原因是希望以最贴近救护员的角度出发：“我故意将件事嘅前因后果淡化咗，冇讲点样发生，点解发生，完咗之后又系点，我特登唔讲，因为救护员都唔会知道个起因系点，佢哋去到第一时系唔会理点解同点样发生，唔会理系边个啱边个错，唔会有任何批判，因为佢哋嘅重点系去救人，有人就救，呢个先系救护员真正嘅工作。”

梁雍婷拍摄中途受伤

虽然当日的拍摄是做足万全准备，然而剧组千算万算亦估计不到，拍摄当日遇上炎热高温，摄氏34.5度，而女主角梁雍婷更不敌炎热发生意外受伤，她接受《香港01》时说：“因为当日太热，加上全副装备嘅缘故，又要跑落一条好长既斜路，点知体力透支，roll紧机嘅时候跑跑下仆咗喺度，我系成个人趴低咗，两边膝头哥同手掌都肿咗同流血，要真嘅救护员帮我包扎。”梁雍婷不希望妨碍拍摄进度，所以负伤上阵都要完成拍摄。然而她最担心的并非自己受伤的痛楚，反而是其他扮演伤者的演员：“佢哋要烈日当空，化住血流披面嘅妆喺度晒，我印象好深刻系有位饰演受重伤嘅婆婆，佢为咗保持个受伤个状态，摊咗喺个地下好耐，我真系好感动，好多谢佢哋，冇咗佢哋，我哋根本完成唔到今次嘅拍摄。”