【是咁的，法官阁下】王君馨初中时代友出头被欺凌：惊到唔想返学

电视剧《是咁的，法官阁下》一众演员今天（14日）到中学宣传剧集，包括：黄智贤、关礼杰、王君馨（Grace）、麦明诗、罗天宇等。

校园生活对别人来说可能是充满青春回忆的地方，但对于Grace来说可能并不是有一个愉快回忆的地方，Grace在访问中透露当年读书被“欺凌”的事：“我中学时候畀人欺凌，当初升中学时候会有好多不同人种，𠮶个时候喺纽约大家系有少少种族歧视，因为我有一个黑人同白人朋友，我同佢哋好close，一齐上跳舞堂，我记得有一班黑人女仔欺凌我朋友话点解要同唔同种族嘅人一齐玩，当时我可能唔知死，我反而同佢哋讲呢个系佢选择，关你哋乜事，跟住之后我就被人欺凌。”当时候Grace说到身边的同学欺凌她也用了很多种方法：“会掟笔、掟擦子胶，系转堂时候又会推我，不过当时我记得有一个朋友佢会见到呢件事帮我挡，但之后佢都受到欺凌。”

Garce虽然当初是很害怕面对上学这个问题，但她也庆幸没有去到了一个一发不可收拾的地步，“我听到其实好多由小学已经开始有呢啲事情发生，当时候我唔开心其中原因系有啲朋友惊同我做朋友而被欺凌，但都有一啲唔系同我最close嘅朋友会放学同我一齐走，呢啲我会铭记在心，因为当时好惊唔够胆同朋有讲，学校发生呢啲事唔想屋企人担心，但谂返转头其实就算唔敢同屋企人讲都应该要同信任嘅人讲。”