【后生仔倾吓偈】戴祖仪唔戴bra出街未算最心虚：最惨系无人发现

撰文： 邝钰莹
出版：更新：
麦明诗同一班后生仔以“心虚”作为讨论题目，当中有人试过因为整断港铁车厢嘅扶手吊环、亦有人试过喺心仪对象屋企如厕后发现马桶失灵。

最新一集《后生仔倾吓偈》以“心虚”为主题，众人以“因咩事会心虚”公开讨论，身为来宾嘅戴祖仪就提到自己试过冬天时试过唔戴bra出街，整日都会不自得做出护胸动作。“但最sad系根本无人发现到。”而佢亦试过因为男朋友想睇自己手机相册时，由于内有唔少与男性友人合照，情急下将整个相簿删除，虽然戴祖仪强调自己同男性友人清清白白，但就系唔明点解会心虚。

麦明诗都都唔少“心虚”嘢。

至于麦明诗亦有唔少心虚嘢，例如系坐喺白色bean bag时漏M、又或者去连锁快餐店打边炉时外带食物“加料”，不过最爆嘅系麦明诗话自己曾经同暧昧中嘅男生约会时，使用对方手机睇ig。“突然收到direct message，话‘我脱光衣服等你’”麦明诗将电话交还对方时，不忘讲句“有人揾你”，她指对方表情甚为慌张，但基于双方只系处于暧昧阶段，无名又无份，所以也不能追问对方，后来对方向她主动解释。“佢话系random fake message，仲叫我睇下个account入面啲相全部都系裸露，但我揿去个inbox时发现佢删除咗个message。”事件除令麦明诗认为对方真系有啲嘢之外，一段萌芽中嘅感情亦就忘告终，而一班后生仔亦认为该男生之所以收到“我脱光衣服等你”讯息，之前一定系有接受过有关嘅资讯……

戴祖仪试过唔著bra出街，但佢话最惨系无人发现。