余德丞暂时未有拍剧计划 下年再伙蔡思贝拍旅游节目

余德丞（Dickson）连同朱晨丽（Rebecca）、冯盈盈（Crystal）以及陆浩明（6号）出席活动，Dickson西装骨骨亮相现场，还大开金口献唱《单车》，氹得粉丝尖叫声不断，看来他身体都恢复得不错：“而家好咗好多，但系头先唱歌都觉得有小小唔够力，可能要再做多啲运动先得，当然会适可宜止嘅。”

讲到唱歌，Dickson自爆由大学开始就钟意唱K，而且非常支持本地乐坛：“我都会睇好多演唱会，听好多歌同埋好多碟。”既然Dickson咁有兴趣，不如考虑下进军歌坛？他表示：“当然热成我系有嘅，但系差好多嘢啦，要学下啲唱歌技巧呀，啲台风呀等等，我唔排除呢个机会，咁但系都要多啲练习先啰。”

虽然现在健康状况良好，不过Dickson暂时未有计划拍剧：“当然，都要睇下个剧本同角色啱唔啱，即系都听过有啲角色可能会郁动大啲嘅，自己都唔系太放心，咁所以我未必会做𠮶啲角色住，都系以综艺节目为主。”Dickson做过体育、访谈、旅游等多个节目，早前他同蔡思贝（Sisley）主持的《缅甸奇幻旅程》大受欢迎，Dickson透露明年可能还会同对方一齐做旅游节目：“应该系亚洲地方嚟嘅，即系希望带啲神秘啲嘅国家畀大家睇，希望大家开心。”