温碧霞游日赏红叶浸温泉 呻毛巾太细唔敢影相留念
撰文： 黄欣华
出版：更新：
今次日本之行，Irene飞甩老公Kenny及囝囝Xavier，与几位女性朋友全女班游日本，去了富士山浸温泉及东京赏红叶，Irene拍了好多风景靓相回来，唯独欠浸温泉，她怕丑表示：“梗系冇影相啦，唔影得架！我哋去咗富士山浸温泉，旅馆只得露天风吕，分男士区同女士区，每位女士只得一条好细毛巾，根本遮唔到身体，都几唔惯同尴尬。我哋见到对方得咁细条毛巾，大家都忍唔住笑咗出嚟，觉得好搞笑。不过，一路浸温泉，一路欣赏红叶同富士山，天气又冻冻哋，舒服到不得了。”
Irene表示日本现在天气最舒服，开始少少冷，但又不太冻，满个街头及山头都处都是一大片红叶，靓到不得了，她最开心在东京遇见好多之前出席东京电影节认识的朋友。除此之外，她又表示：“我仲返咗六本木间屋睇下，因为啱啱租约期满，返去睇下间屋，及安排新租客入住，打点一下，今次真系玩到好开心。”