【飞虎】吴卓羲被封“冲动王”：之前系导演叫我冲动㗎！
撰文： 赵允琳
出版：更新：
由邵氏兄弟及优酷联合出品的网剧《飞虎之雷霆极战》今日（31日）举行记者会，一众剧中主要演员均有出席。吴卓羲形容自己今次的角色与上辑不同，是一个充满好奇心的“问题少年”：“一个唔多钟意开玩笑，所有嘢都好认真嘅一个人。好多时都会问Bosco‘喂你喺边度返嚟啊？’，好多啲好湿碎嘅问题要去满足我嘅求知欲。”
由于卓羲以往拍过不少角色性格都冲动，被不少网民封做“冲动王”，卓羲笑称不关自己事：“之前系佢（导演）叫我冲动㗎大佬，你唔好成日以为系我自己要演先得㗎！你话我冲动唔系我自己话演㗎嘛！系导演话‘拿，你阵间场戏要冲动啲’，我话，吓？其实我自己想扭少少我觉得好似唔系几好㖞。”他称自己与黄宗泽的角色在《飞虎1》经常会为了一些鸡毛蒜皮的事情争执，他们向导演反映后，今次卓羲不再冲动，做一个性格冷酷点的角色：“唔好好似小朋友咁成日推来推去，我同Bosco（黄宗泽）都有同导演倾过，可能佢综合咗我哋嘅意见之后今次就唔同啲啦！”
吴卓羲、黄宗泽和马国明三位好兄弟再次合体，难免令人想起另外两位好兄弟林峰和陈键峰，卓羲称他已经有问过林峰，谁知他一口拒绝：“我又问过㗎啦！我话，其实你可唔可以...我都未问，佢就话‘我无期。’可能佢之前睇到新闻我叫佢客串吓茶餐厅侍应啊、收银啊、扫街啊，或者经过话‘哗！你做咩踩住我只脚啊！’，我未讲到呢句佢已经话无期啦，哈哈。”
【飞虎之潜行极战】吴卓羲“当差”13年 重温“冲动羲”鲁莽史
+1