杜汶泽用电磁炉整肉丝炒面出事：唔想做呃钱电视节目主持人

撰文： 邝钰莹
出版：更新：
肉丝炒面最紧要够镬气，阿泽用电炉完成到呢件事，都算系咁。

杜汶泽喺fb频度《 喱骚 Chapman To’s late show》时事、政治、娱乐乜都讲，而“为何深夜总是饿”呢个环节更系深受欢迎，泰式椰汁鸡汤、深宵薯饼、牛丼真系睇到流晒口水，而最新一集“为何深夜总是饿”，阿泽教大家整肉丝炒面，点知由于电磁炉火力唔够猛，炒面炒到阿泽系咁X，而个面亦明显黐晒镬，虽然试菜时，阿泽就话“个底㶶少少先正”但有网民认为呢个绝对系失败之作，并问阿泽点解咁都可以出街。

不过事后佢见到观众留言都有认错。
而咁啱《肥妈优质食好D》昨晚首播就系教大家煮斧头扒。

既然有错就当然要认，阿泽其后在FB出post表示:“为了昨晚“为何深夜总是饿”的肉丝炒面失手，昨为一个厨师，我有责任向大家道歉！从来不解释失败的原因，因为失败就是失败，我一力承担。感谢大家的意见，我会深切检讨，务求继续为大家提供低俗而又高质的烹饪节目。因为我不想沦为连焗嚿斧头扒焗完都唔敢切开比观众睇嘅师奶教煮𩠌呃钱电视节目主持人！九十度鞠躬！向大家说句对不起。”

而同日下午嘅《都市流行》亦出现了斧头扒，节目除揾专家讲扒外，亦揾埋名厨炮制慢煮斧头扒配羊肚菌汁，慢煮完一个小时后至四成熟再拎去煎。

咦，斧头扒咪日前连环出现于无线节目中嘅食物？当中包括《肥妈优质食好D》同《都市流行》！话说无线近日发展埋BIG BIG SHOP，而价值538元嘅带骨斧头牛肉眼更系热卖推介之一，话晒都唔平，所以无线就好贴心咁安排咗肥妈同名厨杨国基于节目分别以慢煮同煎嘅方式，教晓观众点炮制出juicy又美味嘅慢煮斧头扒配羊肚菌汁同煎焗英国皇室斧头扒。呢条斧头扒差不多有半只手臂咁大，要煮熟怕且都需要少少时间，之但系《肥妈优质食好D》同《都市流行》都只系利用5－10分钟去完成呢件事，有5成熟都已经要偷笑。而两个节目嘅共通点，都系煮完后，冇镜头交待切开既系同一旧肉，话俾人听旧扒有几靓，都冇唔知阿泽post中所指的“连焗嚿斧头扒焗完都唔敢切开比观众睇嘅师奶教煮𩠌呃钱电视节目主持人”系指边个呢?!

由于牛扒煎完之后，要rest一阵等块肉汁回流，所以两个节目都无即场开刀，而肥妈更系等到煮好晒其他菜式，最尾才出手。

杜女郎都系重点 :

+3