网民推《开心速递》池美丽扮饭托Karen：帮速熊做速托一定好正﹗

撰文： 洪晓璇
出版：更新：
池美丽好真心咁问：“诚信，咩嚟架食得架？”（影片截图）

TVB剧集《爱．回家之开心速递》一向深受观众欢迎，经常大赞编剧将时事融入剧情，啜核又好笑，而剧中大小角色演得够放，处境剧晚晚播入屋绝对无难度啦。有网友发现饭托事件中女主角Karen，同《爱．回家之开心速递》中饰演池美丽嘅钟凯琪相当神似，成为热话。

今个星期嘅“美女饭托”事件女主角Karen。（网上图片）
呢个系《爱．回家之开心速递》嘅池美丽。（影片截图）

钟凯琪饰演嘅池美丽，喺剧中系池子孝嘅妹妹，曾经极度迷恋秦博思，另外最为人记得嘅就系非常钟意食嘢，而钟凯琪又真系同今个星期嘅“美女饭托”事件女主角Karen撞样﹗令网民不禁开post建议编剧快啲写个新单元讲“美女饭托”，揾池美丽做单元女主角：“帮速熊做速托一定好正﹗”不过根据角色设定佢咁为食，剧情应该会改为：“池美丽会5分钟食晒d野，之后话返屋企，再呃下个食足11餐﹗”

钟凯琪本身都好钟意食嘢架。（钟凯琪IG）
钟凯琪饰演嘅池美丽，喺剧中曾经极度迷恋秦博思。（IG图片）

网友群情汹涌之下，钟凯琪贴咗一张浓妆日系美女图回应：“做乜无啦啦各位玩到咁大？要饭托我？好吧，其实我都有试过好多次食饭唔使畀钱嘅经验嘅，但我真系冇特登叫人请㗎，通常在日本同人倾熟咗，人哋唔知点解会主动帮你买埋单。不过我就好少网上约人出嚟食饭，我谂 如果我用这张图应该都会同文不符吧哈哈？ ps呢张真系我嚟㗎！！无p图只有调色。角度的重要性，我是自拍高手！”

钟凯琪话呢张相无P过图架﹗（钟凯琪IG）
+7