【杀手】黎耀祥膝头受伤继续开工：你一日未死都要拍啦！
撰文： 赵允琳
出版：更新：
黎耀祥今日（26日）出席保健食品品牌开幕礼，他表示要保持健康体魄除了吃保健食品外，最重要还是要饮食均衡和有充足睡眠。祥仔更说自己被父母训练到很能“挨苦”：“我爸爸妈妈以前后生嘅时候间唔中会炖一啲药材汤，我又唔会好抗拒，我都觉得几好味㗎。”
最近正在忙于拍摄电视剧《杀手》的黎耀祥为剧在两个月内激减15磅，更努力健身练出6旧腹肌，所以这段时间都努力控制饮食，对喜欢吃东西的祥仔来说很多食物都要戒口：“快餐店嘅炸鸡翼、炸鸡脾，咩龙虾海鲜，食得落肚嘅我都钟意食。”（等杀青可以大吃特吃？）“唔等杀青我已经食㗎啦，一拍完除衫就要食㗎啦，如果唔系会死！”
早前拍摄时膝头受伤要针灸，祥仔称已经康复了很多：“都系啲韧带扭伤发炎，唔系太大嘅伤嚟嘅。”他指拍戏受伤当然是家常便饭，身上其实还有多处瘀伤未存愈。要带伤上阵继续拍摄？祥仔笑称：“当然啦，唔好话未好返啦，你一日未死都要拍啦！除非你真系送咗入去证实你拍唔到㗎啫！我哋受伤都要擡返去拍㗎，哈哈！”