苟芸慧结完婚𠮶晚同老公做咩？　佢话：好浪漫

苟芸慧（Christine）今日（25/10）以代言人身份出席湾仔举行的美容品牌发布会。Christine 婚后出席首次活动，心情劲靓：“啱啱结咗婚几日，心情仲系好兴奋，仲未沉淀到，好似仲有啲嘢仲未做咁，其实结婚当晚个人嘅精神状态真系好攰，自己出名都好挨得，就算开凌晨4点做成十几个钟我都唔会攰，但结婚过晚真系成个人都散晒，当晚啲宾客送嘅礼物礼金我都冇精神理，交晒俾老公佢处理，我就敷住面膜瞓，佢见到我敷，佢又跟住敷，佢平时都唔贪靓，敷完仲同我讲皮肤真系靓咗，我觉得两个人一齐做呢件，系一件好浪漫嘅事。”

由 TVB 五位美女组成的“处女党”，成员相继结婚，最后一位党员 Christine 亦在早前完婚，“处女党”正式瓦解。Christine笑话：“我估嚟紧一定会有新花名嘅，但未知啲记者会俾啲咩花名我哋，其实花名都可以改得再得意啲嘅，我都好期待，哈哈。”