姚子羚东非之旅最难忘：喺大自然度去厕所！
撰文： 赵允琳
出版：更新：
姚子羚（Elaine）出席护肤品牌活动，一个多月以来马不停蹄到了非洲、瑞士及泰国，昨天刚从泰国回到香港的Elaine表示非常想念香港美食：“东非都系以西餐为主，瑞士更加唔使讲啦都系西式嘢多，就算我哋去到瑞士食中餐，你都食唔到𠮶种香港嘅味道！可能佢哋炒个咕噜肉，个款炒出嚟都唔同㗎！”她说从瑞士之旅后有短短两天留在香港，马上第一时间去“打边炉”：“打边炉系香港人最经常会做嘅嘢，去到外地根本就无呢个机会去打到边炉。”
短短时间周围飞，没有身体不适？Elaine表示在瑞士的时候有少许不适：“瑞士唔舒服唔系因为水土不服，而系因为个天气。瑞士有雪山，冻嘅话真系去到零下，但系去到晏昼又好热，咁成日一冻一热。我又喉咙痛啦，有少少想发烧，阿廉佢哋每人都塞粒药畀我，食完又好似ok㖞，咁就继续拍嘢。”
她形容东非之旅是人生里最难得的经历，她笑说自己更融入了大自然：“每日可以喺大自然度食、喺大自然度去厕所！（会唔会好尴尬？）唔尴尬啊，因为班马啊𠮶啲全部都喺隔离，佢哋都系咁去㗎啦，哈哈！我哋同佢哋一样。”
Elaine最近正忙于拍摄新剧《黄金有罪》，剧中张兆辉与吴岱融有多场打斗场面，自己则要跑来跑去：“我主要跟住辉哥，例如辉哥跑我要跟住佢一齐逃亡。因为我个角色唔识打，所以我净系会喺侧面表现到好惊咁！今次就无乜打斗啦，可能下一套吖！”