“明日大屿”填海计划撑刘德华　肥妈：香港系要发展

《肥妈年度慈善派对》今晚（22/10）假尖沙嘴举行，并以“回到70年代”作为主题，肥妈（Maria Cordero)与李丽霞（黑妹姐）以双妹唛服饰最为突出。肥妈表示：“我哋本来扮筷子，但点睇都唔似，但我谂清楚我哋其实面棍，都系一条，只不过系粗啲圆碌碌啲，今晚有最佳服装我谂我攞硬，呢个装我哋整咗差不多成两个钟，特登喺美国买咗呢对两对鞋。”旁边黑妹姐话：“对鞋著咗落去好鬼重，真系大整蛊。”

早前华仔表态支持香港特区政府的“明日大屿”填海计划，被一众网民喝倒采。肥妈直言：“只要你一讲政府帮中国，实俾人闹，俾人闹好似正常咁㗎，你唔填海喺边揾地呀，填海唔系净系使钱，填咗个海再卖地又赚返啲钱嘛，个块地会再发展赚钱，你唔攞钱出嚟点做生意呢，我觉得香港政府都应该，佢揸住一嚿嚿钱仲乜呀，呢个世界乜嘢都俾人闹，生个仔又俾人闹，唔生个女又俾人闹，唔生仔，又话人哋冇得生，生得多又话人哋肚烂，如果香港再停滞不前点发展呀，好似我哋高铁神早就应该要通车啦，依家先至通车，会唔会揾少咗啊，如果香港停咗落去，好似一盘死水咁，香港系要发展。”