【嫁到这世界边端2】港女远嫁“雷神故乡” 谭咏麟连赞5次犀利！
究竟可以嫁到去几偏僻？TVB真人骚《嫁到这世界边端2》今晚（22/10）播出的最新一集，就会讲到港女Belle远嫁“雷神故乡”法罗群岛，一个位于挪威到冰岛之间一个隐世小岛。嫁到冇雷公咁远，连校长谭咏麟都话要拍片，鼓励这对新婚夫妇！
七年前，Belle到丹麦做交换生时认识法罗群岛老公Rani，并在今年6月正式跟随对方定居法罗群岛。为人外向又开朗的Belle，不时也为在社交网站分享自己在法罗群岛生活点滴。当中她在7月时，就在社交网站上载了一段“谭校长”谭咏麟拍给他们的片段，并留言：“其实Rani系谭咏麟嘅粉丝嚟㗎！早前喺婚礼嘅时候，我嘅婚礼化妆师知道咗Rani钟意谭校长，兜兜转转之下透过神秘人（至于系边个，卖个关子先，迟啲再同大家讲）向谭校长告知佢喺法罗群岛有个粉丝，于是谭校长就录咗呢条片送俾Rani啦。”
而谭校长于片段中讲到：“Belle真系犀利呀Belle，即系我哋细个𠮶阵，啲人成日讲，哇！你嫁到北极咁远呀？你一个唔觉意就嫁到差唔多北极咁远！法罗群岛咪冰岛上面，阿拉斯加…附近总之咁上下嘅嘢，接近北极，真系犀利！最犀利嘅仲有一样，就系你揾到你老公。你老公Rani，Rani竟然系我歌迷！真系犀利，所以证明你有品味！你老公更有品味，仲识听我嘅歌。听讲你哋6月中𠮶阵时，用我只《一生中最爱》喺教堂行婚礼，犀利识货！恭喜恭喜！”
Belle仲透露Rani收到谭校长条片之后，眼眨泪光，还叫Belle即时翻译，然后不断重复翻看多次。Belle仲大爆Rani听到谭校长的歌就像找回初恋的感觉一样，Rani还曾向她提出要谭校长演唱会版本的《披著狼皮的羊》来做婚礼入场歌，而不是校长所提到的《一生中最爱》，最后被Belle拒绝。Belle接受《香港01》访问时，被问到此事，她笑称：“我哋好感动，我老公再感动啲。佢一到夜晚就系咁翻睇条片，然后喺度甜笑，睇完又系咁播《一生中最爱》，呢首系佢最钟意嘅一首歌。”