【多图】李天纵改名李松蔓重新出发　网上劲贴靓相大肆庆祝？

李松蔓（Lena、前名李天纵）昨晚（18日）在社交网站一口气连发18张照片，而且每张相都非常养眼，全因为以贴身内衣上阵！网友睇完固然忍不住留意“畀Like”，亦好想知道这辑相在哪里拍照、操刀者是何人。李松蔓接受《香港01》访问时便指这辑相在北京旅行时拍摄，而摄影师是妈妈：“佢学紧点样打光，我想培养佢影相嘅兴趣，咁样旅行时就会影到好多靓相，但佢觉得专业相机好重，所以比较钟意用电话影，佢话佢会继续努力㖞！”她又指自己仍然身在北京，不久之前去了浸温泉，但没有透露老公是否同行。

改名李松蔓　因为本名“太大”

提到李松蔓最近积极Keep Fit，是否完全为了影这辑靓相？她答谓：“唔系啦！系嚟紧拍嘅《黄金有罪》要Fit啲，所以我都想状态好啲。（要性感？）唔使好性感，但瘦咗会上镜啲，其实我体质都好易肥，一直最瘦时都系50公斤左右，所以呢次好想试下减到40公斤会点。（而家几多公斤？）而家51，前排肥咗去到55公斤！（要减到40好难？）非常难，所以好想挑战自己，当畀个自己一个好身材礼物。”除了夜跑，她为减肥亦尽量每日上三堂瑜伽班：“食嘅嘢都好注意，食完中午饭就唔再食嘢，去到第二朝已再食早餐，我食早餐好早，大概朝早6点半。”问其实几时由“李天纵”改名为“李松蔓”，她坦言一个月前已经改名：“想改改运，本身个名太大，又系属火，我又太多火，而新名属金，对我发展会好啲。”

点击下图李松蔓私人醒靓相：