范冰冰拖最爱LV行李箱现身北京机场　坐300万名车不失霸气

经历逃税风波后，消失了135天嘅范冰冰终于现身北京首都机场，全黑打扮加上保镖撑伞护驾，同过往嘅范爷抗扮得靓靓兼任影唔嬲可谓天壤之别。之不过，细心一睇，不难发现范冰冰虽然一身黑，但脚踏一双Stella McCartney厚底鞋、加上身后工作人员推嘅LV行李箱，低调之余又够时尚。呢对Stella McCartney厚底鞋向来深受明星欢迎，范冰冰今年五月同李晨恩爱现身北京机场前，亦都系著住同一双鞋。至于个LV行李箱，过往范冰冰出入机场时都拖著佢现身，有指系品牌为范冰冰度身订造，行李箱上印有范冰冰的英文名字缩写“FBB”。

而呢日接送范冰冰嘅车，亦都成为网民研究对象，因为呢架Mercedes-Maybach除了价值超过300万外，挂上嘅“京A”车牌，被列为政府公务用车，只有官方人士、领导级人员少能使用，虽然“京A”有逐渐开放予政商名流使用，但车牌发放量仍受限制，使用者非富即贵。曾自封豪门嘅范冰冰过往多以Mercedes G55代步，亦有网友曾见过佢部火红的Ferrari California去打高尔夫球场，不过讲到最贵嘅，就一定系全球限量375台嘅McLaren  P1，国内售价高达1260万人民币。有指自从逃税案发生后，停泊喺范冰冰屋企楼下嘅名车全部失踪，如今换上一部官用车接送，似乎有啲内情㖞。