【杀手】龚嘉欣拍打戏断手指筋：每日深深感受到“十指痛归心”

演员可以喺唔同作品中，经历唔同角色人生，仲可以尝试不同职业。饰演医生律师要背大量专有名词，消防飞虎消耗极大体力，有时仲会受伤添。TVB新剧《杀手》有大量打斗场面，继黎耀祥及林利相继受伤后，龚嘉欣呢日亦喺IG宣告手指断筋，真系听到都觉得痛呀﹗

嘉欣喺新剧中有连番动作场面，首次做打女加上戏服只有BRA TOP热裤鱼网袜，想做保护措施都无处可加，之前已经上载过一张背脊贴满膏药嘅相，呢次就更为严重﹗嘉欣上载包扎住右手尾指嘅相片留言话：“我系傻傻地嘅，拍打戏拍到手指断咗筋都唔知，仲要几日之后先睇医生。虽然依家每日都深深感受到乜嘢叫“十指痛归心”不过我顶得住㖞﹗杀手系唔易做㗎嘛，尽量做好佢啦，唔使担心我。帮我打吓气OK㗎啦。”