【你咪理，我爱你】林盛斌同偶像拍床戏：绝对系成就上一个解锁
撰文： 邝钰莹
出版：更新：
距离明年农历新年尚有四个多月时间，但唔少贺岁片已经拍摄中，当中包括王祖蓝首次执导嘅《你咪理，我爱你！》。一如以往贺岁片嘅惯例，《你咪理，我爱你！》揾嚟唔少艺人客串，而呢日客串嘅林盛斌（Bob）同虾头（杨诗敏）更卖大包玩到上床！
戏中饰演新婚夫妇嘅二人由于性生活方面出现问题，所以尝试以不同方法得到满足，虽然话系床戏，但话晒《你咪理，我爱你！》都系套阖家欢作品，所以呢埸床戏绝对唔会有埋身肉博镜头出现，之不过，见到虾头呢日以火红超Deep V睡裙上阵，Bob即时笑言怕拍摄时顶唔顺，所以事前食咗镇定剂。“我怕自己之前通咗嘅血管会塞返或者爆。”而虾头亦都笑言因为太耐无床上活动，所以拍摄前要食静心丸。
Bob同虾头合作多次，所以拍床戏一啲都唔尴尬，Bob更表示拍摄前一晚，特意Whataspp虾头，告知十分期待。问到有否跟老婆备案，Bob就好淡定咁话:“佢完全唔知我今日做咩，到时佢入戏院就知。其实之前同虾头拍《大玩特玩》时都同过佢有一个亲密接触，今次唔喺水而喺床上面，升华咗，𠮶阵已经见过虾头完美体态，即系如果佢参加香港小姐的话，最完美体态奖一定有佢份，虽然冠亚季军未必系佢……”
Bob表示除《你咪理，我爱你！》之外，今日亦有拍另一贺岁片《如珠如宝》，日前拍摄跳海、撞车戏份时，更亲身上阵，结果搞到手脚都有瘀，对于8月底才进行“通波仔手术”的他来说，是否太过博命，Bob就话:“我都系休息两日就开工，都ok，呢段时间都飞来飞去，医生有叫唔好咁粗劳，但工作要紧。”
点击细图，观看阿Bob、虾头与郭晋安精彩的现场演出：
+47