【杀手】陈豪拍打戏周身伤　陈茵微帮手擦药油

陈豪昨晚（11/10）现身中环举行的周刊30年派对活动。陈豪近日忙于拍摄无线新剧《杀手》同黎耀祥打到飞起，打到周身瘀晒，仲要劳烦老婆大人陈茵媺帮手捽药油。“我喺剧集里面系一个狙击手，专用枪去杀人，少不免会有拳脚对打，我哋为咗今次拍摄，喺三个月前特别安排武术训练，所以好多场口我都会亲扬身上阵，导演、武指都话最好我哋自己做番，指出嚟更加有神韵喺度，我同祥仔拍打戏打到飞起，打到周身伤，又要瞓地又撞墙，撞到周身伤，手手脚脚条腰都伤晒，太太知我拍戏整亲，太太好锡我，佢都会帮我擦药油。”

此外，陈豪在戏中与李佳芯有感情线，当中少不免有亲热戏，原来拍亲热场口，陈豪必定要向老婆申报。“在戏里面，我同佳芯感情先系助手再成为情侣，之后仲会离离合合，当中都会有好亲密嘅镜头，所以拍之前都会同老婆讲声，不过佢依家都好少睇电视，喺屋企都唔会点开电视睇，除非有我啲戏佢就会睇吓咁啰。”