【警讯】方力申演骗徒怕被学生误会 期待堕入美女骗案
撰文： 赵允琳
出版：更新：
方力申（Alex）今日（10日）为《警讯》拍摄模拟骗案片段，虽然身穿警服，但却扮演一个骗子：“今次个主题系唔好以貌取人，就算个样生得正经，都唔好咁易相信佢，坏人系无样睇嘅。”Alex称有特意拜托导演让他的角色最后能走回正轨：“我以前拍美女厨房又话我口花，拍一啲情场骗子嘅角色又话我会欺骗感情用情不专，而家啲小朋友有跟我学游水，我惊佢哋会误会我！”
Alex表示自己没有被骗徒行骗的经验，但就说很期待被美女呃：“我都好想真系有个美女行过嚟，睇吓我会唔会受骗！”
日前Alex得到球星马布里（Stephon Marbury）的邀请，到上海看篮球赛，他指今次是第一次与马布里见面：“我哋喺马布里一个退役派对上面认识，之前我哋只系网友，大家喺社交网站互相comment。啲人揾佢影相佢仲有求必应，系一个好好嘅榜样。”Alex这趟篮球之旅更带了爸爸同行，他说从来也没有见过爸爸笑得如此开心。Alex有没有集邮跟球星合照？“唔够我老豆多！虽然同咗好多退役嘅传奇球星合照，我当然希望同现役（嘅球员合照）啦，但现役𠮶啲就集唔到啦。”