【嫁到这世界边端2】肾病人妻不幸两次流产：好想有小朋友陪佢

TVB真人骚《嫁到这世界边端2》首位登场的韩国人妻秋仔与情深义重的Oppa畅勇至死不渝的爱情，相信观众睇完都眼湿湿，连主持陈贝儿都话节目要改名叫《喊到到这世界边端》。

最新一集就讲到，秋仔回忆起当时自己突然休克昏迷，心跳减慢，幸好妈妈捉住她双手，不断叫唤她，令她走过鬼门关！嫁到韩国的秋仔，亦希望妈妈能够搬过来与他们一起生活。“老婆的妈妈也过来一起住比较好。（那你要多照顾一个人？）其实没有太大问题的，我们家还有一间房间的，这些老婆会开心的话，就好了。”Oppa畅勇这一段话，令陈贝儿直言要给他300万分。

由于韩国家庭观念很重，所以“韩国奶奶”都给人一种对媳妇比较苟刻的印象。但秋仔的奶奶要求比较阔松，只系希望秋仔学识泡菜就可以。秋仔的老爷奶奶由初初反对入门，到完成接受并当秋仔女儿般爱钖，令秋仔相当感动。她更希望为老公生一个小孩，她称：“其实我知佢好想要一个小朋友，其实我哋都成功咗两次，但两次最后都流咗产。啱啱𠮶次因为流得唔干净，要做手术。但做完手术之后我就发烧，因为我本身有病，如果发烧可能会变得好严重，他𠮶晚喺医院出面架车度瞓，第二朝又即刻上嚟，好辛苦。”

秋仔亦提到很多韩国的奶奶都要求媳妇要生BB，但自己的老爷奶奶得知秋仔小产后都表示没有小孩也不要紧，令秋仔感动不已。虽然如此，秋仔接受《香港01》访问时透露：“第二次我就无同我奶奶讲，再流产都无讲。依家都停咗，唔敢再偷偷试，想增肥先。其实想生BB都系我同老公想生，唔关奶奶事。不过呢啲嘢都控制唔到，有就最好啦，无嘅其实都预咗。”患有急性肾衰竭的秋仔虽病情已经稳定，但她亦表示：“我好想要一个好似我老公咁样嘅仔，万一大吉利是走咗，我如果有咗小朋友但我唔喺度，佢揾个第2个结婚比较好。如果佢年岁好大，我都好想有小朋友陪佢，唔想佢孤独终老，呢个都系我自己谂，唔系我决定到，随缘啦！”对于网民对自己的故事纷纷留言表示感动，秋仔都回复：“我老公韩文名姓金，叫多宝，我中咗金多宝！黎明都有讲话坎坷过后有艇搭吖嘛！”