产后点保养？ 蒋怡：喺屋企敷住面膜煮饭！
撰文： 赵允琳
出版：更新：
蒋怡（Coco）今日（8日）出席网球公开赛慈善午宴，身型高佻的她经常被误认做运动员，她更自爆自己差点能成为网球选手：“一啲专业嘅运动选手嚟学校拣运动员，我𠮶时10岁已经好高，初初我想做排球选手，但点知个排球教练嫌我唔够高，但系个网球教练就觉得我啱晒，身高同体型都好啱打网球！”
Coco产后仍能保持窈窕身型，她谦虚地表示：“其实我一啲都唔fit，我生完之后衣柜嘅衫全部都唔啱著啦，完全未收到身。生完到而家都一路喂人奶，又忙住凑B，系未开始收身，又无做运动，我谂我所有嘅keep fit秘诀都系来自凑小朋友。”
对于网民大赞她产后仍保养得宜，她说：“大家俾我呢个赞美我好开心，我希望我老公都可以日日咁同我讲啦！”她谦称其实自己都没有多做保养：“因为我好懒，同埋我又好忙，最多就系我会喺屋企敷住mask煮饭！（啲油烟唔会整到块mask好油？）咁咪再润啲啰！哈哈！”