【跳跃生命线】刘佩玥懒理与周志文“激嘴”事件 ：我唔系蠢女生

刘佩玥（Moon）今天（7日）出席Tvb台庆剧《跳跃生命线》的宣传活动，Moon表示又兴奋又荣幸：“我由细到大都睇马德钟嘅剧大，冇谂过会有一日一齐拍一部剧，仲要我哋剧中系一家人嚟，你睇佢几靓仔，我觉得系一件好开心嘅事。”Moon的说法是否表示马德钟是她的童年回忆？“当然啦，有次好好笑，我揸车去一个地点，巧合地我播紧《酒店风云》主题曲，然后马神（马德钟）过嚟迎接我时候听到呢首歌，佢话系回忆呀。所以宜家能够同佢合作真系好开心，佢肯教我哋又幽默。”

近日网民笑指马德钟变样更笑言与卡通人物胡迪撞样，对于此事Moon说到每一个人在不同年纪也有不同变化是正常：“我哋知道马神最近食少咗肉，变咗食素，我觉得系好事，佢去到呢个年纪都有咁正嘅身形同呢个样貌，更有好好魄力，我觉得应该向佢学习食少啲肉。”

问到Moon早前参与游船河被拍到疑似与周志文“激嘴”的事情，Moon直言不是太关注这件事情：“我自己就唔系好关注喇，第一件事就系成日传同佢（周志文）啦，我觉得呢件事都几postive，唔系再传其他人，剩系传佢啫，都几好，其他绯闻唔再摆喺我身上，第二我唔系一个蠢女生，系一个船P有识嘅人同唔识嘅人，虽然亲吻人人都做得，但我唔会蠢到人哋开Live做呢件事。”