【全民造星】姜涛立志做艺人　惹兄弟极力耻笑：咪普通男仔一个！

由ViuTV主办的选秀节目《全民造星》已进入白热化阶段，昨晚（2/10）播出姜涛（姜B）的特辑。节目内，有提及到当姜B还是肥仔时的性格，还特别访问了姜B的妈咪和好友，让大家知道姜B鲜为人知的秘密！

姜B妈咪接受访问时透露，姜B从小开始已经沉默寡言，可能因为肥胖影响了他的自信，所以就叫仔仔减肥。话虽如此，当姜B真系的起心肝减肥时，姜妈都直言见到仔仔因为唔食嘢而感到心痛，不过同时都很佩服仔仔的毅力。

姜B靓仔呢样嘢，相信冇人会反对，但上天系公平，靓仔都有缺点。其实节目内都有提及过姜B经常迟到的问题，原来连姜妈都忍无可忍，更不留情面地在镜头面前教仔：“佢咁嘅性格，做任何事都慢吞吞，你真系要改改慢条斯理嘅性格，唔好迟到。咁样会影响其他人，你唔尊重别人，人哋点解要等你？”

至于姜B的好友又点睇？中锋及阿J是姜B打篮球时认识的好兄弟，两人坦言姜B小时候很少说话，到长大后才在朋友面前放开自己。问到究竟姜B是否经常迟到？两人即笑言：“系啊，讲起就嬲！佢成日约打波、做Gym，约做咩都好，都系话喺佢楼下等，迟咗足足一个钟。”更大爆姜B迟到的原因，是因为要贴双眼皮贴和Gel头！

而今日（3/10）《全民造星》最后十强与监制花姐现身郑裕玲（Do姐）主持的电台节目《口水多过浪花》时，谈到早前去了美国10天的旅程，肥仔再爆姜B超级姿整，还长期霸住厕所贴双眼皮胶纸，就连排舞老师Travis Payne都问姜B是否去了厕所照镜。不过出名锡姜B的花姐，就立即帮口话：“佢姿整系有原因嘅，咁佢以前系肥仔，怕唔见咗个靓样，不过佢而家已经改咗喇！”

另外，虽然有很多人觉得姜涛靓仔，但他的好朋友并不觉得。当姜B跟好友表明立场要当明星时，好友的反应是耻笑他，全因并不觉得姜B靓仔，就连妈咪都打击他：“真系唔觉得佢靓！”提到姜B曾指自己从未拍过拖，那姜B喜欢什么类型的女生，好友们即搞笑谓：“通常都唔靓！”咁睇嚟姜B的要求不算太高，只希望对方单纯及没有机心，机会嚟喇各位女Fans！