郑嘉颖陈凯琳夫妻档到意大利睇骚　意外爆陈嘉宝BB性别

郑嘉颖、陈凯琳婚后愈见甜蜜，做访问开口埋口都系婚后生活，仲夫妻档上阵，远赴意大利出席米兰时装周睇骚。婚后首次以夫妻档出席外地活动，郑嘉颖笑指今次工作轻松，抱住旅行心情开工：“当旅行的心情？都可以这样说的，我没有来过米兰，今次非常多谢品牌请我和太太一起来睇骚，因为这次是新婚后首次一齐出trip，所以感觉好不同。（想唔想做模特儿行骚？）我？做model？真系没有想过㖞。其实我之前是有去过巴黎睇骚的，但行骚就未试过。但如果有人够胆揾我的话，我都会够胆尝试的！”

佢地孖住接受big big channel访问时仲大耍花枪，嘉颖直言：“无论到那里，有你的地方就是浪漫。”Grace仲话此行特别带手工月饼，同老一齐异地赏月过中秋。提到好友陈嘉宝怀孕6个月，Grace直言已报名做契妈，仲谂住买架法拉利BB车做礼物，点知身边嘅嘉颖口快快爆：“BB系女仔，法拉利留俾赖慰玲的囝囝Marat啦！”

同样受邀到意大利睇骚嘅卫诗雅，扬言将疯狂Shopping，寓工作于娱乐：“今次系第一次出席米兰时装周活动，所以真系好兴奋，出发前一直谂要著咩衫出席活动！今次现场睇骚真系大开眼界，好兴奋！我都同经理人讲咗，完骚之后要比时间我去古迹参观之余，仲要留时间比我Shopping，所以都预咗大出血。”