儿子首度叫Daddy劲感动 张达伦：原来系一场误会！
撰文： 吴子生
出版：更新：
张达伦一家三口，今日（22/9）撑场出席好友李霖恩在尖沙咀医学美容新店开幕。达伦笑说：“今日首次带同11个月大嘅囝囝及老婆到场支持，就睇得出我哋几有诚意，日后要保持个靓样，一家人就靠李霖恩啦，刚才有醒狮队助庆啲锣鼓声咁嘈，谂住囝囝会惊，佢竟然又冇㖞，真系好乖。”
大忙人张达伦又要为新剧集《黄金有罪》开工，照顾囝囝的重任就交给太太。“囝囝下个月一岁生日，就算几忙都要同佢庆祝，一定唔可以错过，依家佢仲学紧讲嘢，试过有次我去日本做嘢，返嚟嘅时候佢指住我讲Daddy，后尾我发现佢原来对住乜嘢都叫Daddy。”旁边太太Kimmy笑话：“其实囝囝知到佢系Daddy，不过全部嘢都叫Daddy，之后我就叫佢叫妈咪，佢就特登唔叫，拧转块面喺度偷笑，佢真系好鬼马。”