【银魂2】庄端儿系标准动漫迷　“ 会同前度会玩Cosplay”

庄端儿昨晚（21/9）出席九龙塘又一城举行《银魂2》群星首映礼。“好开心今日可以过到嚟睇呢套戏，钟意嘅程度系可以返睇再返睇，睇极都唔会厌，关于动漫嘅嘢我都好钟意，每年动漫节我都会‘静静鸡’入场睇，觉得啲衫好靓，我同前度男友拍拖时，我哋都有玩Cosplay，一讲起系咪谂起好情趣嘅画面呢，其实我男友跑马拉松嘅时都有着过啲动漫衫去跑，都几得意㗎，有时候成班朋友一齐玩Cosplay 都好过瘾。”

杜汶泽网台“杜汶泽喱骚Chapman To's Late Show”，推出节目“壹鸠大事回顾”，找来性感女神庄端儿化身成性感女主播，人气急升密密接job ，最近做埋饮食节目《隐世厨神》主持。“今次我做呢个主持除咗试食之外，都要帮手整食材，咁到煮嘅时候，梗系大厨落镬煮啦，呢个饮食节目最劲嘅地方，就系将啲好平民嘅食材，煮成皇帝菜式咁矜贵，不过最开心就系做咗呢个节目后竟然冇肥到，反而瘦咗。”