【后生仔倾吓偈】冯盈盈唔觉意得罪未来奶奶　点男友斟水又唔执碗

冯盈盈真系为《后生仔倾吓偈》带嚟好多欢乐，最新一集继续以“最不可得罪的人”为题，但内容就婆媳关系为主，同医生男友感情要好嘅FYY喺呢个topic之上，当然要俾少少鞋油啦，虽然佢话未来奶奶好随和亦都好迁就佢医生男友，但平日见面时，大家都好客气，令FYY总系觉得差少少嘢，6号为安慰FYY，于是就话“怕问太多会被觉得八卦，但其实你啲嘢睇报导、上网都知道晒。”之后更不停回带FYY在《后生仔》的出位言论，例如系点解第一次拖手会湿晒等等。

6号教路FYY要在家庭聚会中，表现得十分照顾男友，令对方父母感到安心，但FYY就似乎完全唔知呢一项奶奶政策，并表示：“真架？我仲同宝宝讲想饮水”咁都未够，FYY话之前送宝宝游戏机，令对方日夜沉迷打机，讲到呢度，6号同麦明诗都指FYY做得好错，为了寻求补镬方法，于是问FYY去未来奶奶屋企食饭时，有无帮手煮饭、执碗等等，FYY面都青晒话无，并解释：“有时想帮手拎啲碗入厨房，但奶奶都会叫我休息。”FYY呢个答案即时引来不满，众人齐齐表示：“你都要照做架。”最好笑系有后生仔问FYY有无帮手盛饭，FYY一时听唔清楚，竟然问：“乜嚟㗎？”随即又成为众人围攻对象。
 

为表示自己真系对未来奶奶好好，FYY试图举例说明：“知道未来奶奶关节痛，我特登拎啲赞助……”结果又再引来一众主持围攻，指佢唔应该转赠赞助商礼物，又笑言“就算系真你都唔好讲嘛”，综合以上所有嘢，看似系FYY的错，但麦明诗就认为“氹奶奶系两个人嘅责任，唔系盈盈的责任，因为有啲嘢佢唔知架嘛。”男友瞬间成为罪人，FYY再落药指男友完全唔帮手，就连未来奶奶生日系几时都唔知，令佢无得准备礼物，听到6号教路“auntie生日你哋一齐去买礼物，佢会好开心”之后，FYY就笑住咁话：“但系我宝宝话令佢哋开心，系快啲生个孙比佢哋凑㖞。”结果话题马上伸延至婆媳纠纷，令FYY都唔知嬲好定笑好，不过经过呢集《后生仔》，相信FYY一定会同未来奶奶关系更好。