【后生仔倾吓偈】得罪网民随时做A片女主角　麦明诗：想试下

《后生仔倾吓偈》今集以“最不可得罪的人”为题，麦明诗、陆浩明、冯盈盈就分别选出“工人、侍应、秘书”，都几合情合理，之不过，后来当一班后生仔KOL提到其实网民都唔可以得罪时，FYY都十分之认同，更表示现今的网民十分执著，可以有大把时间去起底、造谣甚至改图。“佢哋可以key你个样去A片，只要利用几张唔同角度嘅相，加埋AI程式就可以，好真”，听落都几无妄之祸，之不过，麦明诗就突然表示：“我又想试下睇，如果拍嘅话正唔正。”莫非麦明诗有拍A片，所以想整个pre-view?!之后FYY表示已经有大台女艺人成为A片女主角，好在自己未被选中，好奇宝宝麦明诗呢个时候又再问：“条片系未你自己upload?同埋系未已经有ABCD餐你拣?”问得咁仔细，搞到性博士FYY一时间都答唔到。

一众主持人之后继续讨论最唔可以得罪的人，当中就包括司机，FYY即时比位麦明诗话佢应该有好多嘢可以发表，“我无得罪人，系佢得罪我”麦明诗讲呢句时表情甚为八婆，睇得出唔系交戏完全系发自内心。事缘去年有的士司机于网上贴文表示“1440接载‘麦x诗’由尖沙咀加拿分道去佐敦xxx，全程车资$44.40，你畀$100我找番$55.6畀你，系你话唔要$0.6散纸。特此声明。”因6亳而被公审，又真系嬲㖞，不过麦明诗于节目上就话其实大家都无错，更提议应该要四舍五入才公平。“不过得罪司机都系危险，有时佢哋开工十几小时后好情绪化，你讲啲嘢佢哋唔满意就会乱踩刹车。”