【台风山竹】吹袭将军澳多处水浸　袁伟豪：有一刻想冲落停车场

袁伟豪（Ben）今日（18/9）以代言人身份出席荃湾举行的护发健康产品活动。“要拥有一把浓密嘅头发，我平时好注重生活作息时间，每朝早起身我都会食麦皮加啲黑芝麻做早餐，洗头嘅时候，一定要清洁干净，早十几年前拍剧要戴头套，可能仲后生，但人大咗，机能差咗，都会有甩头发嘅情况，为有保持心境开朗，唔好打乱生活节奏，作适要定时，咁样头发就会好快生长返。”

香港受台风“山竹”影响，多处道路水浸，袁伟豪家住将军澳是重灾区之一，多个私人屋苑因临近海边，巨浪冲过河提，海水倒灌涌入停车场，被海水淹浸。“打风𠮶日我成晚都瞓唔到，担心啲窗会爆，啲风真喺好劲，我望出去平时我哋会跑步嘅地方，连一带避风塘泊岸嘅船只一切都被水淹没，见住啲巨浪由小西湾涌埋嚟，好心痛，情况好混乱，睇到好多新闻消息，我哋呢区停车场被水淹没，有一刻想冲落停车场睇下自己架车，但当时啲升降机都停用，为安全著想最后打消念头，今日先见返部车，都冇乜损伤。”